მალე ბაზარზე ქართული წარმოების ახალი მედიკამენტი „ფერდი" გამოჩნდება.
პრეპარატის მწარმოებელი კომპანიის„სალხინოს" მენეჯმენტის განცხადებით „ფერდი" მთლიანად მცენარეული ნედლეულითაა დამზადებული და იგი ტკივილგამაყუჩებელი, დამამშვიდებელი საშუალებაა.
მათი თქმით, პრეპარატი საგვარეულო რეცეპტით მზადდება და იგი წლების მანძილზეა გამოცდილი, თუმცა სერიული წარმოება პირველად ხდება. „ფერდის" ღირებულება ამ დროისათვის ცნობილი არაა, თუმცა „სალხინოში" აცხადებენ, რომ მისი ფასი 30 ლარს არ გადააჭარბებს.
„ფერდის" გარდა კომპანია პრეპარატ „სალხინოსაც" უშვებს, რომელიც ქართულ ბაზარზე თითქმის 25 წელია იყიდება. სადღეისოდ „სალხინოს" მარტო საქართველოში 100 ათასზე მეტი მომხმარებელი ჰყავს.
